Abadala bathi ithemba kalibulali. Uzulu ubesethiye indlebe elethemba lokuthi ijaha elileminyaka elitshumi lasithupha okuthiwa lathelelwa ulunyoka eShurugwi ngumfazi womuntu lizasila njengoba besokulomuntu othi lumama ngumkakhe.
Umnu. Itai Tavengwa ubabomncane walelijaha uthi ubambisane indlela labanye bakhe baya eGweru lapho abathole ukuthi lumuntu othe ngumnikazi womfazi ubezama ukubakhuthuza imali.
U Tavengwa uthi ubambisane lamapholisa eGweru ukuthi badinge linsizwa enyamalale njengomswenya isizwa ukuthi isidingwa ukwenzela ukuthi yelaphe lelijaha.
U Tavengwa utshele uGibbs Dube we Studio 7 ukuthi isenzo lesi sitshiye ujahana lo esegula okwamagama ngakho sokumele babambindlela eya eZhombe ukwenzela ukuthi bayedinga umnikazi womfazi obikwa ehlala kulesosigaba.