Abanini bamabhizimusi asakhulayo awe informal sector bahlangene ngoLwesibili lekhansili yakoBulawayo lapho abaxwayiswe ukuthi bebhalise amabhizimusi abo ngokusemthethweni ukwenzela ukuthi benelise ukuphatheka kunhlelo ezifana lama tenders alikhansili azathuthukisa amabhizimusi abo lalelidolobho.
UNkosikazi Nesisa Mpofu, obona ngokwethulwa kwembiko kulikhansili, kanye lomsekeli kasodolobho uMnu. Mlandu Ncube, babikwa betshele abakade bekulumbuthano ukuthi bengabhalisa amankampani abo, balakho ukuphatheka kunhlelo zama tender alikhansili, kanye lohlelo lukahulumende olweSpecial Economic Zones lungaqalisa ukusebenza.
Ukuze sizwe okunengi okuhlafunwe kulumbuthano, sixoxa loNkosazana Debra Mukasa, isiphathandla senhlanganiso yeBulawayo Vendors and Traders Association, obekulo umbuthano.
