WASHINGTON —
Ikhansili ye Harare ithi izaqhubeka ivalela abangabhadaliyo imithelo yabo yamanzi ngemva kokwesulelwa izikwelede zonke nguhulumende ezabakhona kusukela kumnyaka ka 2009 kusiya kuNhlangangula lonyaka.
Uhulumende wathi izakhamizi zemadolobheni wonke azisoze zenelise ukubhadala izikwelede lezi, ezasezifika kuzigidi lezigidi zamadola, ngenxa yokubhidlika komnotho welizwe.
Isiphathamandla sekhansili ye Harare uMnu. Leslie Gwindi ubikwa esithi izakhamizi kufanele zibhadale izikwelede zazo ukwenzela ukuthi kutholakala imali yokufeza zonke imfanelo zekhansili ezigoqela ukuthenga imithi yokuhlanza amanzi lokunye.
Kodwa inengi lezakhamizi likhonona ngokuthi amanzi avele ahlezi ecitshiwe edolobheni le Harare, njalo indlela ikhansili eveza ngayo izikwelede zabo, i billing system ayiqondanga.
Inengi labacitshelwe amanzi ngabahlala emalokitshini agoqela i Glen Norah, Highfield, Glen View, Budiriro, le Dzivaresekwa.
Izakhamizi zedolobheni lako Bulawayo zona zitshele iStudio 7 ukuthi ikhansili isiqalisile ukunika abantu incwadi ezikhomba ukuthi kufanele bebhadale indleko zabo.
Abanengi ngabehluleka ukubhadala imali yokuxhuma kutsha impompi zamanzi ngemva kokucitshwa- i reconnection fee.
Kusenjalo abahlala emaphandleni bathi babhekane lohlupho lokuswelakala kwamanzi. Isikolo seMbgwenda eBulilima sibikwa sesilenyanga ezine singelamanzi ngenxa yokoma kwezibholane kulindawo.
Umlaleli we Studio 7 uNtando, utshele uSithandekile Mhlanga ukuthi kulohlupho olufanayo eLower Gweru.
Uhulumende wathi izakhamizi zemadolobheni wonke azisoze zenelise ukubhadala izikwelede lezi, ezasezifika kuzigidi lezigidi zamadola, ngenxa yokubhidlika komnotho welizwe.
Isiphathamandla sekhansili ye Harare uMnu. Leslie Gwindi ubikwa esithi izakhamizi kufanele zibhadale izikwelede zazo ukwenzela ukuthi kutholakala imali yokufeza zonke imfanelo zekhansili ezigoqela ukuthenga imithi yokuhlanza amanzi lokunye.
Kodwa inengi lezakhamizi likhonona ngokuthi amanzi avele ahlezi ecitshiwe edolobheni le Harare, njalo indlela ikhansili eveza ngayo izikwelede zabo, i billing system ayiqondanga.
Inengi labacitshelwe amanzi ngabahlala emalokitshini agoqela i Glen Norah, Highfield, Glen View, Budiriro, le Dzivaresekwa.
Izakhamizi zedolobheni lako Bulawayo zona zitshele iStudio 7 ukuthi ikhansili isiqalisile ukunika abantu incwadi ezikhomba ukuthi kufanele bebhadale indleko zabo.
Abanengi ngabehluleka ukubhadala imali yokuxhuma kutsha impompi zamanzi ngemva kokucitshwa- i reconnection fee.
Kusenjalo abahlala emaphandleni bathi babhekane lohlupho lokuswelakala kwamanzi. Isikolo seMbgwenda eBulilima sibikwa sesilenyanga ezine singelamanzi ngenxa yokoma kwezibholane kulindawo.
Umlaleli we Studio 7 uNtando, utshele uSithandekile Mhlanga ukuthi kulohlupho olufanayo eLower Gweru.
