Amapholisa athi inani lababhubhe engozini zomgwaqo kukhefu leKhisimusi lehlile nxa kuqathaniswa lenani lomnyaka odluleyo ngesikhathi esifanayo lanxa inani lengozi liqansile.
Kulabantu abayisikhombisa ababhubhe ngoMvulo koBulawayo lase Masvingo.
Isikhulumeli samapholisa uSenior Assistant Commissioner Charity Charamba wethule umbiko othi kube lengozi ezedlula inkulungwane lamakhulu amahlanu, 1,590 - kodwa sikhathi sinye ngomnyaka odluleyo kube lengozi ezifika inkulungwane lamakhulu amane - 1,505.
Kodwa inani labalimeleyo kumbe ukubhubha engozini lezi lehlile kancane ngoba kulabantu abangamakhulu ayisithupha - 664 - ababhubhileyo kulonaleli ikhefu kodwa nyakenye sikhathi sinye kwalimala abafika phose amakhulu ayisikhombisa, 675.
UCharamba uthi imbangela yengozi lezi, inengi lazo, ibangelwe yibutsha babatshayeli.
Sixoxe lesinye isihambi esiyisakhamuzi sako Bulawayo, uNkosazana Patience Sibanda othi isikhathi sekhefu ayisiso sokuvakatsha ngoba ingozi zomgwaqo zibhahile.
