amalinks wokungena

Breaking News

Selidume Ledlula Kulabo Abanikwa Amalanga Ayisikhombisa Ukuthi Badlelane Labanye kuMDC-T


UMnu Nelson Chamisa ngomunye wabasekeli bakaMnu Morgan Tsvangirai.
UMnu Nelson Chamisa ngomunye wabasekeli bakaMnu Morgan Tsvangirai.

Ukufuthelana ebandleni le MDC-T kuqhubekela phambili kulandela ukwedlula kwesikhathi esaphiwa eyinye inkokheli yebandla leli ukuthi ingene emihlanganweni yebandla andubana ithathelwe amanyathelo ingekela.

Umongameli omutsha webandla leMDC-T, uMnu. Nelson Chamisa, wethula lesi singqumo kulandela ukungayi emihlanganweni yebandla kwabathathu laba abagoqela uNkosazana Thokozani Khupe, uMnu. Abednico Bhebhe loMnu. Lovemore Moyo, kusukela nyakenye bekhonona ngezinqumo zomanyana wamabandla aphikisayo oweMDC Alliance.

Amalanga la ayefakelwe linkokheli ukuthi ingene imihlangano adlule ngoLwesibili kodwa akula manyathelo athethweyo ngokwethulwa kwesinqumo lesi.

UKhuphe labanye bakhe bayaphikisa ukukhethwa kukaChamisa abathi akwenziwanga okusemthethweni ngoba kumele uKhuphe abe nguye umkhokheli webandla njengoba nguye yedwa umsekeli owakhethwayo emhlanganweni we congress kuthi ababili, uChamisa loMnu. Elias Mudzuri bakhethwa nguTsvangirai eyedwa.

Lelibandla lazisa njalo ukuba lathume unobhala obona ngezomvikela, uMnu. Gile Mutsekwa, ukuthi acubungule imbangela yodlakela olwenzakale kulelibandla eBuhera lako Bulawayo lapho amalunga alelibandla atshaya khona uKhuphe lenye inkokheli abe eseloba ugwalo olujileleyo ngokwenzakalayo.

Kodwa lokhu kungakethulwa lolugwalo ngoba eMutsekwa etshele iStudio Seven ukuthi uzaqala aluphe uMnu. Chamisa uzulu engakaziswa.

Lelibandla lilomhlangano we rally eCross Dete ngoMgqibelo. NgoLwesihlanu belilomhlangano edolobheni le Victoria Falls lapho uChamisa abikwa ehlangane lenkokheli zenhlanganiso ezitshiyeneyo ezibalisa abayizigoga labakumabhizimusi ahlukenyo.

Sixoxe lesiphathamandla sebandla eVictoria Falls, uMnu. Ephias Mambume, obesemhlanganweni wangoLwesihlanu eVictoria Falls.

please wait

No media source currently available

0:00 0:02:02 0:00

XS
SM
MD
LG