amalinks wokungena

Breaking News

Uhulumende kaRamaphosa Uthi Abantu Bokuza Batshaywa Yizigebengu


FILE: Banengi abantu abatshaywa yizizalwane zakwele South Africa.
FILE: Banengi abantu abatshaywa yizizalwane zakwele South Africa.

Sokulegxoxo mpikiswano kwele South Africa phezu kodaba lokuhlaselwa kwabakwamanye amazwe okuqhubeka elizweni leli uhulumende esithi yibudlova kuphela hatshi ukuthi abantu bokuza bathatha imisebenzi yonke.

Abakwamanye amazwe asebehlala kwele South Africa bathi udlakela olusanda kuqhamuka eThekwini lungabe lwabangwa nguMongameli Cyril Ramaphosa ngesikhathi ekhuluma ngabakwamanye amazwe abavule izitodlwana phose ndawana yonke kulelolizwe.

URamaphosa wathi, “Wonke umuntu uphombukufikanje emalokitshini ethu lemaphandleni aqalenje ukuvula ibhizimusi engelamvumo yokwenza lokho. Lokhu sizakuqeda du.”

Kungakatshi amazolo kwethulwe inkulumo le kuhlaselwe abakwamanye amazwe eThekwini ngemva kokuba izizalwane zakwele Malawi zetheswe umlandu wokutshontshela esinye isizalwane sakwele South Africa.

Zukuzuku abatshayeli bezimota ezinkulu bakwele South Africa labo bangena emigwaqweni batshisa izimota ezitshayelwa ngabantu bokuza besithi babathathela imisebenzi.

Omunye wabatshayeli bakwele South Africa uthumele umlayezo enkundleni yokukhulumisana kumakhalekhukhwini eye WhatsApp exwayisa abatshayela bezimota ezinkulu abavela kwamanye amazwe.

Ulobe wathi, “Sikhathele ngale ingcekeza eliyenzayo eSouth Africa. Libulala imisebenzi yezizalwane zakwele South Africa ngoba lisebenzela imali encane. Lingacabangi ukuthi siyesaba ukulibulala loba ukulitshaya …”

Wethusele abantu bokuza esithi kumele baphume baphele elizweni leli ngoba bazathwaliswa nzima kungedlula isikhathi sokhetho oluzayo.

Ngeviki ephelileyo esabelweni seLimpopo kutshiswe izindlu zabadabuka eZimbabwe eziyisikhombisa lemota. Ngemva kwalez’izehlakalo uRamaphosa uzwakale esephawula kanje.

“Lokhu ukuhlasela okusanda kwenzakala obekubhekiswe kwabakwamanye amazwe kubi njalo ngiyakusola okuphindiweyo kakhulukazi ngoba lokhu akusikho esiyikhokhona.”

Kodwa-ke uhulumende wakwele South Africa uthi konke lokhu yibugangi nje hatshi ukucwasana ngemihlobo iXenophobia. Lamapholisa lawo asekugcizelele kanengi lokho. Phose minyaka yonke ukuhlasela lokhu kuyenzeka kodwa uhulumende uyaphika ukuthi kubangelwa yikucwaswa lenzondo yabakwamanye amazwe.

Le yinto esitshiye inengi labakwamanye amazwe bezonde beganunwabu besithi ukungavumi ukuthi lesi yisenzo sokucwaswa kwabantu bokuza yikho osekwenze minyaka yonke kuqhamuke lokhu kuhlasela kusifa abantu.

Odabuka eZimbabwe, uMnu. Mlungisi Tshabalala, uthi lokhu yikucatsha ngomunwe.

“Ngokubona kwami iziphathamandla zeSouth Africa yizo ezibasela yonkelento ezithi nxa zifuna amavoti zikhulume inkulumo ezicina sezivusela imimoya emibi kuzizalwane zala eSouth Africa.”

Lokhu kusekelwe nguMnu. Greatman Mkhwebu othi uhulumende ukhuluma ize nje.

“Iqiniso lisobala lento yixenophobia ngoba amaSouth Africans ayakhuluma loba ekuphi, sisemataxini, ezitaladeni uzwa betsho bethi abantu bangaphandle abahambe. So, uhulumende nje wesaba ukuvela sobala ngoba lento iyayangisa. Eqinisweni okunye kudalwa yikuphawula kwazo izikhulu zikahulumende, laba abantu bepolitiki bayabatshela abantu babo emaceleni ukuthi lina yenzani so babahlokoloze”.

Abameli bakwamanye amazwe kukhangelelwe ukuthi bazahlangana lamapholisa ngoLwesihlanu lapho okuzakhulunywa ngodaba lolu.

URamaphosa Labanye Bakhe Bathi Abantu Bokuza Bagangadwa Yizigebengu
please wait

No media source currently available

0:00 0:04:04 0:00

XS
SM
MD
LG