Umnu. Tendai Biti umphathintambo wezemali uthi iZimbabwe Revenue Authority (ZIMRA) sokumele idingisise ukucatsha kwama dayimana eMarange abiza izigidi ezingamatshumi amathathu zamadola eMelika-US$30million, acatshangelwa ukuthi athengiswa emazweni.
U Biti uthi kumele kuphendlwe ngamandla ukwebiwa kwemali yamadayimana la njengoba isenzo lesi silakho ukuphazamisa ukuthengiswa kwamadayimana eZimbabwe.
Umnu. Abbey Chikane owenhlanganiso ye Kimberley Certification Process okhangelane lokwenjiwa kanye lokuthengiswa kwamadayimana eZimbabwe, usanda kuloba ugwalo oluveza ukuthi amadayimana la athengiswa okungaphandle kwemvumo ye nhlanganiso le.
Umnu. Sabelo Ndlovu Gatsheni ingcwethi ecubungula ezombusazwe uthi iZIMRA ilakho ukwehluleka ukuhlolisisa udaba lolu ngoba ingela mandla okuqondisa amapholisa ukuthi abophe abazatholakala belamacala okweba imali yamadayimana la.
