Sekuqhamuke udobo lokusilela kwemali emabhanga elizweni. Lanxa uhulumende esithi uzulu engazihluphi kangaka ngaloludubo amabhanga abikwa esehlise inani lemali engathathwa ebhanga ngelanga isukule ku $1200 ngelanga isiya ku $500.
Ababikwa behlaselwe kakhulu ngaloludubo ngabalimi begwayi abakade bephiwa imali yabo khonapho khonapho kodw a kathesi sekumele baye emabhanga wona angelamali.
Abanye abakhulume leStudio Seven eHarare lakoBulawayo bathi sekuznima ukuthola imali ngoba eminye imitshina yemali ama ATM kawasela mali.
Omunye ongafunanga ukuzibetha ngegama utshele iStudio Seven ukuthi ubefuna ukuthatha i$1000 ebhanga leHarare watshelwa ukuthi kumele aqale abhalele ibhanga ecela ukuphiwa limali.
Sixoxe lesakhamuzi sakoBulawayo, uMnu. Edwin Ndlovu othi udubo lokusilela kwemali lolu selutshiye abanengi besesabela ukuthi lungacina lufana lolweminyaka edluleyo.
"Seluqalile njalo udubo lokusilela kwemali osekusikhumbuza umnyaka ka 2008," kutsho uNdlovu.
