Amabandla athi ele MDC-T elikhokhelwa nguMnu. Morgan Tsvangirai lele People’s Democratic Party elikhokhelwa nguMnu. Tendai Biti abambisane ethula umbiko osola iqula lenhlanganiso ephathisa amazwe omhlaba, eye IMF ngokufuna ukusebenzelana lohulumende weZimbabwe.
Lokhu kulandela imbiko esivezwe liqula le IMF eliselizweni elikhulumisana lohulmende elithi ilizwe lilakho ukuthola njalo uncedo oluvela kulinhlanganiso.
Inhlanganiso le kunye leye World Bank zacina ngomnyaka wabo 1990 ukuphathisa ilizwe ngenxa yezizatho ezimbalwa ezibalisa ukungananzi ilungelo likazulu lokungasebenzisi imali ngendlela.
IMDC-T le PDP zithi vele akukhanyi ukuthi kukhona osekuguqukile ngoba uhulumende elokhu engelandlela yokuguqula umumo wezomnotho.
Kodwa ingcwethi ecubungula ezombusazwe, uMnu. Masimba Kuchera utshele uChris Gande weStudio Seven ukuthi okukhulunywa ngamabandla la kuyize ngoba lawo ayeqonqosela ukukhumisana umlotha kwe IMF lohulumende weZimbabwe ngesikhathi sikahulumende womanyano.
