amalinks wokungena

Breaking News

IMDC-T Icubungula Udlakela Oluqhamuke Esigodlweni Sayo


mangoma

Inkokheli etshayiweyo ibalisa uMnu. Elton Mangoma ongomunye walabo abathi uTsvangirai adedele omunye ngoba ehluleke ukunqoba kukhetho loMnu. Promise Mkhwananzi, ongumgcinisihlalo wabasakhulayo.

Icele leMDC-T lithi selibumbe ikhomidi ezacubungula udlakela oluqhamuke esigodlweni sebandla leli eHarvest House lapho okutshaywe khona enye inkokheli yalelibandla.

Loludlakela lwenzakale ngemva komhlangano wabagcinisihlalo bebandla ophume lezinqumo ezimbalwa eziphathelane lokuvuselelwa kwebandla ezigabeni zelizwe kunye lodaba oselutshiye lelibandla lidabuke phakathi – olokuthi uMnu. Morgan Tsvangirai atshiye isikhundla.

Inkokheli etshayiweyo ibalisa uMnu. Elton Mangoma ongomunye walabo abathi uTsangirai adedele omunye ngoba ehluleke ukunqoba kukhetho, uhlaselwe ngabasakhulayo abakade bephandle kwesigodlo sebandla i Harvest House.

UMangoma, ongumsekeli kamgciningcebo webandla utshele iStudio 7 ukuthi kuze kube lanamhla uMnu. Tsvangirai kazange ambuze ukuthi usesizwa njani ngemva kokubhaxabulwa wadatshulelwa ihembe.

please wait

No media source currently available

0:00 0:00:49 0:00
Lapho esitholakala khona


Isikhulumeli seMDC-T, uMnu. Douglas Mwonzora utshele iStudio 7 ukuthi abazatholakala belecala bazaxotshwa ebandleni.

Unobhala jikelele wohlangothi lwabatsha kuMDC-T, uMnu. Promise Mkhwananzi ongomunye wabatshayiweyo emhlanganweni we mdc-t uxoxe loChris Gande weStudio 7 ukuze sizwe okunengi ngaloludaba.

please wait

No media source currently available

0:00 0:01:15 0:00
Lapho esitholakala khona
XS
SM
MD
LG