amalinks wokungena

Breaking News

MDC-T: Kuyasikhathaza Ukuqonga Kwezehlakalo Zodlakela


Lokhu kulandela ukutshiswa komuzi wesiphathamandla salelibandla, uMnu. Sheperd Maisiri, kwatsha umntanakhe, uChristpowers wahle wafa

Icele leMDC elikhokhelwa nguMnu. Morgan Tsvangirai lithi likhathazwa yimbiko yodlakela esiqansile elizweni osekubangele ukuthi lelibandla lise loludaba kumanyano we SADC. Unobhala jikelele walelibandla, uMnu. Tendai Biti utshele intathelizindaba ngoMvulo emini eHarare ukuthi udlakela lukhanya luqonga phambilini kokhetho lweReferendum selufike kusibanga esesabekayo.

Lokhu kulandela ukutshiswa komuzi wesiphathamandla salelibandla, uMnu. Sheperd Maisiri, eHeadlands ngempelaviki kwatsha umntanakhe, u Christpowers obeleminyaka elitshumi lambili wahle wafela khona.

Lelibandla lethule imbiko ethi eGutu umgciniisihlalo webandla kulesisigaba, uMnu. Albert Musvosvo utshaywe ngabacatshangelwa ukuthi ngabasekeli bebandla leZanu PF walimala kabuhlungu.

Kuthi eNyamandlovu lelibandla lithi umsekeli walo, uMnumzana William Sibanda wathunjwa ngabacatshangelwa ukuthi ngabasekeli beZanu PF. Lelibandla lithi okunye osekulihlupha yizehlakalo zamapholisa angena emahofisini enhlanganiso ezizimeleyo ngodlame.

Emhlanganweni wangoMvulo oqoqa inhlelo zebandla leMDC, uMnu. Nelson Chamisa uthe kuyamangalisa ukuba inani lezehlakalo zodlakela liyaqansa khona uMongameli Mugabe lenhloko kahulumende uMnu. Tsvangirai bekhuthaza uzulu ukuthi atshiyane lomkhuba wokutshayana.

UChris Gande weStudio 7 uxoxe lomsekeli wesikhulumeli salelibandla, uMnu. Joel Gabhuza ukuze sizwe okunengi ngaloludaba.

please wait

No media source currently available

0:00 0:01:48 0:00
Lapho esitholakala khona

Okuhambelana lalokhu

XS
SM
MD
LG