EleMelika selethulele amankampani amabili emba amadayimana eZimbabwe akoMarange izijeziso zenotho ezivimba izizalwane zakulelo lizwe ukuthenga amadayimana enjiwa emigodini yeMarange.
Amankampani la ngathi iMarange Resources leMbada Damonds.
Inyathelo leMelika leli lilandela isinqumo seKimberley Process kunyanga ezisanda kwedlula, lapho evumele khona iZimbabwe ukuba ithengise amadayimana eMarange kungela migoqo.
IMbada Diamonds leMarange Resources zilobudlelwano lenkampani kahulumende womanyano iZimbabwe Mining Development Corporation, yona eyethulelwa izijeziso yiMelika eminyakeni edluleyo isetheswa icala lookwephula ilungelo loluntu eMarange.
IMelika ikhangelelwe ukuthatha isikhundla sokuba ngumgcinisihlalo weKimberley Process ngomnyaka ozayo.
Iziphathamandla zikahulumende womanyano kanye lezeMbada Diamonds leMarange Resources zibikwa zidane kakhulu ngenyathelo elithethwe yiMelika.
