Ikhomithi elungiselela imidlalo ezadlalelwa koBulawayo eye African Union Sports Council Region 5 Under-20 Youth Games ekupheleni kwawonalo umnyaka ithi amalungiselelo ale imidlalo asesemaphethelweni.
Umongameli Robert Mugabe unanze limidlalo ngokusemthethweni ngeviki edluleyo ngokuyikhanyisela isibane eHarare.
Imidlalo ezadlalwa igoqela eye nguqu, eyokuqaga, eyokubhukutsha, eyenqindi, eyokugijima, leminye.
Amazwe akhangelelwe ukuphatheka kulimidlalo yiAngola, Botswana, Lesotho, Malawi, Mozambique, Namibia, South Africa, Swaziland, le Zambia. Kodwa amanye amazwe anxusiweyo agoqela ele Democratic Republic of Congo, Tanzania, Madagascar, Mauritius, le Seychelles.
Isiphathamandla sekhomithi ebona ngokuqoqwa kwalimdlalo uKennedy Ndebele utshele uSithandekile Mhlanga weStudio 7 ukuthi izigaba zekhomithi yakhe zilokhu zisalolonga okusaseleyo ukwenzela ukuthi imidlalo le iphumelele.
