amalinks wokungena

Breaking News

Imidlalo Yabantwana abePrimary eyeNAPH Iqala Edolobheni lakoBulawayo


Imidlalo yeNAPH

Imidlalo yabantwana abafunda ezikolo ze Primary iqale ngoLwesithathu edolobheni lako Bulawayo lapho amaqembu amela izigaba zonke zelizwe ancintisana khona emidlalweni etshiyeneyo.

Amaqembu amela izigaba zonke ezilitshumi zelizwe leZimbabwe athe gwaqa koBulawayo lapho ancintisana khona emidlalweni egoqela owenguqu, owe netball, owe volleyball, owe rugby, owe basketball kanye le tennis.

Imidlalo ye netball isenkundleni ye White City, eye volleyball ise Milton High School, imidlalo yebasketball isesikolo se Girls College lase Petra High, itennis ise Bulawayo Sports Club, i rugby isenkundleni ye Hartsfield kuthi imidlalo yenguqu isenkundleni ye Barbourfields lapho okudlala khona abafana kuthi amankazana abedlalela esikolo se Mzilikazi.

Emidlaweni yenguqu yabafana amaqembu amela uBulawayo, iMatabeleland North kanye le Matabeleland South yiwo akade elabantwana abancane kuthi ezinye izigaba zimelwe ngabafana abakhulu kakhulu okudale ukuthi lezibukeli zikhale ngokuthi kulokuqila okuthile.

Iqembu elimela idolobho lako Bulawayo kumidlalo yenguqu lihle laphuma kulumncintiswano ngemva kokwehluleka ukuphumelela kumidlalo yezibaya ikanti elamankazana lona lidlulele kusigaba esilandelayo.

Limidlalo ye NAPH ifika emaphethelweni ngoLwesine lapho imidlalo yama semi - final kanye leye final ezadlalwa khona.

XS
SM
MD
LG