amalinks wokungena

Breaking News

Uhulumende Usefuna Ukomisa Imithetho Yezimota


Izimota

Ugatsha lwezokuhambisa olwe Transport and Infrastructural Development luthi lufuna ukuthi abatshayeli babanjwe ngamandla ukuthi base imota zabo ukuyahlolwa ukuthi zilungele ukuhamba emgwaqweni.

Ugatsha lwezokuhambisa olwe Transport and Infrastructural Development luthi lufuna ukuthi abatshayeli babanjwe ngamandla ukuthi base imota zabo ukuyahlolwa ukuthi zilungele ukuhamba emgwaqweni kanye ngomnyaka kulandela imbiko ethi imota ezingalungelanga ukuhamba emgwaqweni elizweni ziyafika ingxenye yesigidi esisodwa, 500 000.

Umphathintambo walolu gatsha uMnu. Obert Mpofu, utshele i Studio 7 ukuthi lelinyathelo liyingxenye yamanyathelo ambalwa afuna ukuthathwa lugatsha lwakhe ukwenqabela ingozi zemigwaqo ezingabangelwa yisimo sezimota.

Umpofu uthi ukucubungula okwenzwe lugatsha lwakhe kuveze ukuthi abatshayeli abangaba yingxenye yesigidi, i 500 00 kabala ncwadi zokutshayela ezisemthethweni kumbe bazithola ngudlu.

Wengezelele esithi ugatsha lwakhe lufuna uhlangothi olubona ngamaphepha okutshayela lokuhlola isimo sezimota, olwe vid, kumele lwethulwe kuhulumende ukwenzela ukuthi kungabi lula ukuthola amaphepha okutshayela ngokungekho emthethweni.

UMpofu utshele uChris Gande we Studio 7 ukuthi ugatsha lwakhe lufuna ukuthi kwengezelwe isigwebo sabazafunyanwa besephula imithetho le ngoba ekhona okwakathesi kayilukhuni.

please wait

No media source currently available

0:00 0:01:37 0:00
Lapho esitholakala khona
XS
SM
MD
LG