amalinks wokungena

Breaking News

MLF: Mabangavothi abeMandebeleni kuReferendum


MLF
Ngesikhathi izizalwane zeZimbabwe zilungiselela ukuphatheka ekhethweni lwesisekelo sombuso esitsha mhlaka 16 Mbimbitho, iqembu leMthwakazi Liberation Front –MLF, likhuthaza zonke izizalwane zesabelweni seMandebeleni ukuthi zingaphatheki kulolukhetho zisithi lesi sisekelo kasibasizi ngalutho abantu balumango.

Kodwa inengi labantu lenhlanganiso zeMandebeleni ezilwela ilungelo loluntu kanye lamabandla ezombusazwe ziphikisana lomqondo we MLF lo. Ngemva kweminyaka emine kuvunyelwene ukuthi kwethulwe isisekelo sombuso esitsha eZimbabwe, mhlaka 16 ngenyanga kaMbimbitho izizalwane zaleli lizwe zizathola ithuba lokuvota zisamukela loba ukwala ukusamukela isisekelo sombuso esitsha lesi.

Bakhona asebevele betshaya phansi ngentonga abafana lenhlanganiso edinga ukulotshwa kwesisekelo sombuso esitsha nguzulu hatshi amabandla ezombusazwe loba uhulumende eyeNational Constitutional Assembly besithi singemukelwa.
Kodwake umkhankaso weqembu leMthwakazi Liberation Front – MLF wona wehlukile. Leli qembu elifuna izabelo zeMandebeleni zizibuse, likhuthaza bonke abantu beMandebeleni ukuthi bengaphatheki ekhethweni lwesisekelo sombuso lweReferendum kanye lekhethweni lwezwelonke oluzalandela.

Okwakuqala leli bandla lithi lesi sisekelo kasibancedi abantu beMandebeleni njengoba singabaphi ilungelo lokuthi baphume phansi kombuso weZimbabwe bazibuse. Lithi njalo kudala abantu bakulo umango bevota kodwa kungalethi nguquko empilweni zabo.

Kubika intathelizindaba yeStudio 7 uBenedict Nhlapho osipha loludaba eseJohannesburg kwele South Africa.

please wait

No media source currently available

0:00 0:04:33 0:00
Lapho esitholakala khona
XS
SM
MD
LG