WASHINGTON —
Ibandla le ZAPU liyawasola kakhulu amazwi esiphathamandla sebandla leZANU PF uMnumzana Didymus Mutasa akhomba ukuthi impahla eyathathelwa lelibandla ilizwe lisanda ukuthola uzibuse singeyebandla le ZANU PF ngenxa yesivumelwane se Unity Accord esalotshelanwa phakathi kwamabandla womabili awe PF ZAPU le ZANU PF ngomnyaka ka 1987.
Lokhu kulandela amazwi kaMongameli Mugabe akhuthaza abalwa impi yenkululeko ngaphansi kwevuyo le ZIPRA ukuthi bemanyane lebandla leZANU PF.
Kodwa ibandla leZAPU lona lithi kunengi okungagcwaliswanga kusivumelwano se Unity Accord okufanele kufezwe, okugoqela ukubuyiselwa kwale impahla.
UMnumzana Max Mnkandla, owalwa kuvuyo leZipra njalo engumqondisi wenhlanganiso ye Zimbabwe Liberators' Peace Initiative uchasisele iStudio 7 imbali yale impahla.
Ukuhlaziya loludaba, uSithandekile Mhlanga weStudio 7 uxoxe loMnumzana George Mkhwananzi, ingcwethi ecubungula ezombusazwe, yena othi ababengamalunga ebandla leZAPU abasala kubandla le ZANU PF yibo abazakwenza kube nzima ukuthi impahla lezi zibuyiselwe ngoba bengabambananga labanye.
Lokhu kulandela amazwi kaMongameli Mugabe akhuthaza abalwa impi yenkululeko ngaphansi kwevuyo le ZIPRA ukuthi bemanyane lebandla leZANU PF.
Kodwa ibandla leZAPU lona lithi kunengi okungagcwaliswanga kusivumelwano se Unity Accord okufanele kufezwe, okugoqela ukubuyiselwa kwale impahla.
UMnumzana Max Mnkandla, owalwa kuvuyo leZipra njalo engumqondisi wenhlanganiso ye Zimbabwe Liberators' Peace Initiative uchasisele iStudio 7 imbali yale impahla.
Ukuhlaziya loludaba, uSithandekile Mhlanga weStudio 7 uxoxe loMnumzana George Mkhwananzi, ingcwethi ecubungula ezombusazwe, yena othi ababengamalunga ebandla leZAPU abasala kubandla le ZANU PF yibo abazakwenza kube nzima ukuthi impahla lezi zibuyiselwe ngoba bengabambananga labanye.