amalinks wokungena

Breaking News

Inengi Lisola Ukungaziswa Ngemithi Esenkukhwini Ezithengwa eBrazil


Chicken rearing

Inengi selikhathazekile ngembiko ethi inyama yenkukhu evela eBrazil ibuye igcotshwe imithi esetshenziswa ukulondoloza izidumbu, i-embalming.

Inengi lezizalwane zeZimbabwe zitshengise ukukhathazeka okukhulu ngembiko ekhomba ukuthi inyama yenkukhu evela kweleBrazil ethengiswa ezitolo yabuya igcotshwe imithi esetshenziswa ukulondoloza izidumbu zabantu ukwenzela ukuthi zingaboli-okwaziwa ngokuthi yi-embalming.

Lokhu kuvezwe yinhlanganiso ebona ngezomnotho welizwe eye Zimbabwe National Chamber of Commerce, yona ebinxuswe yikhomithi yedale lephalamende eye Industry and Commerce, ukuzokhuluma ngemizamo engenziwa ukuthuthukisa umnotho welizwe.

Isiphathamandla seZNCC uMnu. Davison Norupiri, uthe inkhukhu lezi zihlatshwa amajekiseni alomuthi lo ukwenzela ukuthi zifike kweleZimbabwe zingakaboli. Imithi le igoqela i-formaldehyde le methanol.

UMnu. Norupiri ukhuthaze ukuthi ngabe kuthuthukiswa imizamo yokwenza impahla zelizweni kulezivela kwamanya amazwe ngoba lanxa zitshiphile azaziwa ukuthi zilungiswa njani.

Kungxoxo ayiqhube le Newsday ngemva komhlangano wedale lephalamende, uNorupiri ubikwa ethe udaba lolu belusegudwini emhlanganweni we Zimtrade osanda ukugqitshwa kweleZambia, lapho isiphathamandla se COMESA uMnu. Sindiso Ngwenya aveze ukuthi umuthi lo usetshenziswa kwezangaphakathi zenkukhu.

EleZambia libikwa lingasemukeli inkukhu ezivela kweleBrazil ngalesisizatho.
UMnu. Bulisani Ncube, ongusomabhizimusi njalo owayeyisiphathamandla seZNCC utshele uSithandekile Mhlanga weStudio 7 ukuthi kufanele uhulumende alobe kucace ukuthi imithi ekulezinkukhu yiphi ukwenzela ukuthi abantu bezikhethele abakufunayo.

please wait

No media source currently available

0:00 0:01:42 0:00
Lapho esitholakala khona
XS
SM
MD
LG