WASHINGTON —
Ukusilela kwempuphu kuyaqhubeka elizweni lanxa uhulumende ebumbe iqula elikhangelane lokuqeda loludubo ngoZibandlela.
Abagaya impuphu bathi uhulumende uyehluleka ukugcwalisa isithembiso sakhe sokubadingela umumbu phandle kwelizwe.
Phezu kokubumba iqula elibona ngaloludaba, uhulumende uphinde wasungula uhlelo lokunikeza uzulu amakhuphoni okuthenga impuphu ngemali ephansi.
Kodwa udubo yikuthi ilokhe ingatholakali leyo mpuphu ezitolo.
Emkambo wensitha lapho etholakala khona ibiza imali ephezulu, kutsho isikhulumeli senhlanganiso emela abathengi iNational Consumer Rights Association uMnu Effie Dlela Ncube.