amalinks wokungena

Breaking News

Inani Labacapha Umngcele Omutsha oweMlambapeli eBotswana leZimbabwe Liyaqansa


Ezinye izizalwane zeZimbabwe ezihlala kwele Botswana

Inani labantu abacapha umngcele omutsha ophakathi kweZimbabwe leBotswana, owe Mlambapeli duze leGwanda, seliqansile ngesikhathi abeZimbabwe besiya ekhaya kukhefu lekhisimusi.

Ukuvulwa komgncele weMlambapeli nyakenye, kwakukhangelelwe ukwehlise inani lezihambi ezisebenzisa umngcele we Plumtree lowe Ramokgwebana, wona ohlala uyisiphithiphithi, ikakhulu ngesikhathi sekhefu elifana lelekhisimusi.

Omele iBotswana kweleZimbabwe, umnunzana Matshwenyego Fischer uthi umngcele lo usuqala ukuba lezihambi ezinengi eziwuchaphayo.

Enyangeni ezinthathu ezedluleyo, kusukela ngoMfumfu, kucaphe abantu abazinkulungwane ezingamatshumi amabili, noma nje umgwaqo okucele leZimbabwe ocapha umubi kakhulu.

EleBotswana lona lithi lizaqhubeka lithuthukisa lumngcele ngoba kulabanye abalezihlobo emazweni womabili, abakade besiyabhoda ePlumtree kumbe eMatsiloje, ngenxa yokuswelakala kwendawo yokuchapha eseduze.

Noma nje inengi, ikakhulu abasuka endaweni ezingezansi kweleMandebeleni, duze labo Kezi Kanye leGwanda, lisamukela umngcele omutsha lo, bathi uhulumende weZimbabwe kumele azame ukulungisa okufana lomgwaqo kanye lama wofisi…

Unkosikazi Angeline Ndlovu ongumunye othi kawulungisiswe lumngcele ngoba unceda abanengi.

“Siyamukela ukuthi sokwavula umngcele, okuzakwenza kubelula ukuthi abantu behambe kahle ngesikhathi sekhisimusi, okuzakwehlisa inani labantu abasebenzisa umngcele wePlumtree. Kodwa esikucelayo yikuthi uhulumende alungisise umgwaqo osesimeni esibi,” kutsho uNdlovu.

Umgwaqo weMlambapeli awuhambeki ikakhulu ngemota ezicane, njalo uma izulu linile kubanzima ukuthi izihambi zichaphe.

Umnunzana Dumi Ncube laye uthi awulungisiswe umngcele ngoba kungasiza abantu abaya endaweni eziseMatebeleland South, ababanjwa ngamandla ukuthi bayebhoda ePlumtree, lako Bulawayo, ngenxa yokuswelakala kwendawo yokuchapha eqondileyo…

“Iborder post le izanceda inengi ngoba iquma umango kulabo abaya kundawo ezifana labo Gwanda, siyakujabulela ukubakhona kwayo,” kutsho uNcube.

Uhulumende weBotswana ube thume umnunzana Fischer ukuthi ahambe ekhangela imngcele phakathi kweZimbabwe leBotswana, yonke emine, ukuthi ilungiselele okungakanani ukubamba izihamba ngekhefu lekhisimusi.

UFischer uthi yonke imgcele isilungile, owe Plumtree leRamokgwebana ungasoke uvalwe ngekhefu lekhisimusi ngoba kuyiwo oba lezihambi ezinengi, ziphose zifike isigidi ngomnyaka.

please wait

No media source currently available

0:00 0:02:25 0:00

Facebook Forum

XS
SM
MD
LG