amalinks wokungena

Breaking News

RBZ: Inani Labasa Imali Emabhanga Seliqansile


FILE - Amabhanga athi kulemali engenayo enengi kwele Zimbabwe loba umnotho ugugudeka okumangalisayo.

Amafekitali ayavalwa, izisebenzi ziswela umsebenzi, ezitolo akusathengwa ngokusilela kwemali kodwa ibhanga elikhulu lesizwe, ele Reserve Bank of Zimbabwe lithi isilinganiso semali esihanjiswa emabhanga nguzulu lamafekitali sesiqansile nxa kuqathaniswa lanyakenye.

Lelibhanga lithi ngomnyaka odluleyo imali kade isiwa emabhanga ibingamabhiliyoni amane, $4 billion kodwa lonyaka, ekuhlolisisweni okwenzwe ngenyanga edluleyo imali le ibisiqanse kancane yafika ku $4,3 billion.

IRBZ yethule umbiko wayo wenyanga ngoLwesihlanu lathi: "Inani lbafaka imali emabhanga liqansile kodwa inengi labo ngabafaka imali okwesikhatshana nje kuphela kulabafaka okwesikhathi eside."

Ibhanga le RBZ lithi lesi yisibonelo sokuthi uzulu uselethemba lamabhanga kulandela ukulahlekelwa yimali okwenziwa nguzulu ngomnyaka ka 2008 ilizwe lize liqale ukusebenzisa imali yakwamanye amazwe.

Ukuhlaziya loludaba uChris Gande weStudio 7 uxoxe lomkhokheli wenhlanganiso ebona ngelungelo labosobhizimusi, iConfederation of Zimbabwe Industries, uMnu. Busisa Moyo, endawonye lengcwethi ecubungula ezombusazwe, uMnu. Rejoice Ngwenya onguye osungula lingxoxo.

"Okwakuqala okumele sikukhangele yikuthi kanti vele inombolo ezethulwe libhanga leli ziqondile yini?" kubuza uNgwenya.

please wait

No media source currently available

0:00 0:03:35 0:00
Lapho esitholakala khona

XS
SM
MD
LG