amalinks wokungena

Breaking News

Inani Lasebebulewe yiCovid-19 eZimbabwe Selikhwele Laya Ku-507


Osebenza eWilkins Hospital utshengisa amalunga edale lephalamende akwenza eWilkins Hospital lapho okuhlolwa abantu abalemikhuhlane enjenge coronavirus. (Photo: Mlondolozi Ndlovu)

Kubhubhe abantu abangamatshumi amabili lane, 24, ngeCovid-19 eZimbabwe izolo njalo kwatholakala abafika phose inkulungwane, 978, belomkhuhlane lo.

Lokhu kukhweze inani lasebebulewe yi-coronavirus selokhe ifike kuleli nyakanye laya kumakhulu amahlanu lasikhombisa, 507.

Inani lasebebanjwe lumkhuhlane lona liqonge laya kunkulungwane ezedlula amatshumi amabili, 21,477.

Ukukhuphuka kwenani lababanjwa lumkhuhlane kanye lababhubhayo kubangele ukuvalwa kwelizwe emizameni yokwenqabela ukumemetheka kwawo.

Idolobho leHarare yilo elikhokhelayo ngabantu asebebhubhile, bona abalikhulu elilamatshumi phose amabili, 119, lilandelwa ngelakoBulawayo lona eselilahlekelwe ngabantu abalikhulu lamatshumi ayisikhombisa lasikhombisa, 177.

Isiphathamandla senhlanganiso yeZimbabwe Christian Alliance uMnu Useni Sibanda utshele iStudio 7 ukuthi sokudingakala ukuthi uhulumende aqinise inhlelo zokuphathisa izibhedlela ngakho okhe okudingwa yizigulane ezihlaselwe yiCovid-19.

please wait

No media source currently available

0:00 0:03:17 0:00

Facebook Forum

XS
SM
MD
LG