amalinks wokungena

Breaking News

Liyakhuphuka Inani Lempahla Ethengwa Kwele South Africa


Esitolo se supermarket.

Intengo yemaphla iqhubeka ikhuphuka eZimbabwe osekubangele ukuthi abantu abanengi baqhubeke bethenga ukudla leyinye impahla kwele South Africa.

Okunye okucatshangelwa okubangela abanengi ukuthi bathenge impahla ngobunengi beyisa ekhaya yikuthi kulokwesabela ukuthi amaphepha okuhlala lokusebenza okusemthethweni kwele South Africa kuzabahlupha kungaphela umnyaka ngoba amaphepha athiwa ngama Special Dispensation documents ayabe sefike emaphethelweni.

Ukuthenga impahla eSouth Africa kwenza amafekithali eZimbabwe aswele inzuzo okungokunye okwakubangele ukuthi uhulumende afake umthetho wokuvimba ukungena elizweni kwempahla evela kwamanye amazwe, umthetho othiwa yiStatutory 64.

Lumthetho awusasetshenziswa ngenxa yokukhala kukazulu. Ukuhlaziya loludaba sixoxe lomkhokheli wenhlanganiso ye International Cross Borders’ Association, uMnu. Denis Juru othi emngceleni we South Africa le Zimbabwe kuyanyakazela ngezimota ezithwala impahla lokudla.

“Abantu bayathumela impahla kakhulu ngoba kutshiphile ukuthumela impahla kulokuya khona,” kutsho uJuru.

Uthe abantu bathumeza impahla ngobunengi ngoba izisebenzi ze South Africa ziphiwe iholo elithe xaxa ngenyanga kaNtulikazi njengalokho okwenziwa minyaka yonke.

UJuru uthe omalayitsha babhadalisa imbadalo eyingxenye yokungena kane kuntengo yempahla eziyabe zithunyelwa kumbe ukucabangela nje ukuthi ziyabe zilesisindo esinganani.

please wait

No media source currently available

0:00 0:03:47 0:00

Facebook Forum

XS
SM
MD
LG