amalinks wokungena

Kuvezwa Ugwalo Olujulileyo Olutshengisa Okwenzakala eAfrica

  • Mavis Gama

Ambassador Dr. Machivenyika Mapuranga.

Abenhlanganiso ebona ngezentuthuko yezwekazi labensundu eye African Building Foundation, baphawule okusemthethweni umbiko wabo oqakathekileyo walonyaka ngaleli zwekazi eye Africa Capacity Report 2017, ephansi kwesihloko esithi: Building Capacity in Science, Technology and Innovation.

Incwaningo le iveze izikhexe ezikhona emazweni eAfrica okubalisa eleZimbabwe, zokungazinikeli kwabohulumende ekuthuthukiseni ubungcwethi kwezokulungiswa kwempahla leze science, besekela inhlelo ezehlukeneyo ezisungulwayo ngomlomo langokuloba ingwalo kuphela kodwa kungenziwa lutho olubambekayo.

Emkhosini wokwethula okusemthethweni ugwalo olujulileyo lokuvezwe kuncwaningo le, owenzelwe eHarare International Conference Centre, abe ACBF bathe ngaphandle kokuba ohulumende bazinikele ukwenza okubhalwe phansi akula ntuthuko ezaba khona.

Obengumhlonitshwa kulomkhonsi, unobhala wogatsha lwezemfundo yaphezulu, uAmbassador Dr. Machivenyika Mapuranga, uthi zingalandelwa ngokwaneleyo iziqondiso ezimunyethwe kule Report, kuzosiza ukuthuthukisa iZimbabwe.

Africa Capacity Report 2017
Africa Capacity Report 2017

Umqondisi wohlangothi olubona ngezokutholiswa ulwazi ku ACBF, uDr. Thomas Munthali, uthi eleZimbabwe selinganeno ngoba lilazo inhlelo zokuthuthukisa loluhlangothi, okudingakalayo yikubona ukuba ziyalandelwa ngokwaneleyo.

Li Report emumethe okutholakale emazweni awezwekazi lonke le Africa, iphawulwe njalo emazweni alitshumi ngasikhathi sinye.

Abe ACBF bathi iReport le iza ngemva kwenhlolisiso eyenziwa ngenhloso yokubonisa amazwe awe Africa okubalisa ele Zimbabwe, kokumele kwenziwe ukuzithuthukisa kwezobungcwethi, kusize ukuthuthukisa ezomnotho kulawo mazwe.

Bakhuthaza ohulumende ukuba bengathembeli kusizo lwemali evela phandle kwamazwe abo, kodwa badinge indlela zokuyibuthanisa ngokwabo.

Facebook Forum

XS
SM
MD
LG