amalinks wokungena

Breaking News

Abasebenza EGodini Bathenjiswa Indawo Zokusebenzela Emavinkilini Amatsha


Bulawayo central business district

Isikhulumi senkampani eyakha eGodini uthi amavinkili amatsha azakuba lendawo zokuthengisela kanye lendawo zemota lamabhasi ezifika phose ikhulu.

Inkampani eyakha indawo yamavinkili i-Shopping Mall eku Batch Street ko Bulawayo endaweni eyazakala ngokuthi kuseGodini ithi abathengisa impahla ezitshiyeneyo kanye labatshovisayo bazaphiwa indawo ezintsha zokuqhubeka besebenza emavinkilini amatsha.

Inkampani le eyakhayo lindawo, eyase South Africa yazakala ngokuthi yi Tearracota (PVT) LTD njalo yathola imvumo ye Tender kukhansili ukuthi iqhube lumsebenzi ekupheleni kwawonalo umnyaka.

Isikhulumi salinkampani uMnu. Mandla Moyo ubikwa esithi amavinkili amatsha azakuba lendawo zokuthengisela ezifika amakhulu amahlanu -500, kanye lendawo zemota lamabhasi ezifika phose ikhulu.

Ikhansili iphakathi kokukhulumisana labasebenza eGodini ibachasisela ngokwenzakalayo ngoba betshengise ukukhathazeka okukhulu emhlanganweni kazulu owenziwe ngabe Bulawayo Agenda kuviki edluleyo.

Ukuze sizwe okunengi ngaloludaba, sixoxe loMnu. Roderick Fayayo, isiphathamandla senhlangansio elwela amalungelo ezakhamizi eye Bulawayo Progressive Residents Association.

UMnu. Fayayo utshele uSithandekile Mhlanga weStudio 7 ukuthi okuqakathekileyo yikuthi izakhamizi zibe lolwazi lokuthi zizasebenzela ngaphi kusakhiwa, lapho ezingasoze zixotshanizwe khona ngamapholisa ekhansili.

please wait

No media source currently available

0:00 0:02:02 0:00
Lapho esitholakala khona
XS
SM
MD
LG