Inkampani yendizamtshina ye Air Zimbabwe isiqalisile ukuthwala uzulu loba isehluleka ukuthola abantu abayigadayo ngenxa yokungathembeki.
Inkampani le ibikwa isithwale abantu phose abangamatshumi amahlanu kusukela ngeSonto lapho indizamtshina zayo eZimbalwa ziqalise ukuphapha kulandela ukubuyela emsebenzini kwabatshayeli ngeviki ephelileyo.
Eyinye yalezi indizamtshina ebivela eVictoria Falls isiya eHarare ibikwa ihambe ithwele umuntu oyedwa ngeSonto kuthi-ke ngolweSithathu eyinye njalo ephaphele koBulawayo kade ilabantu abangamatshumi amabili kuphela.
Indizamtshina eyodwa eye Air Zimbabwe eyathengwa kwele China okuthiwa yi MA 60 ijayele ukuthwala abantu abangamatshumi amanhlanu.
Ingcwethi zithi okwenzakala eAir Zimbabwe kulakho ukubhidliza inkampani le njengoba imali ehlawulwa ngabalutshwane abagada indizamtshina lezi bengenelisi ukubhadalela indleko zokuhamba kwazo zona ziphapha zitshaywa ngumoya.
Eyinye yalezi ngcwethi uMnu. Bekithemba Mhlanga uthi abaqondisi be Air Zimbabwe batshengisa ukuthi abawazi umsebenzi ngokuyekela indizamtshina ziphapha zingela bantu abanengi.
