amalinks wokungena

Breaking News

Indizamtshina zeAir Zimbabwe Zivunyelwa Njalo Ukuphaphela kweleSouth Africa


Indizamtshina yeAir Zimbabwe

Indizamtshina ze Zimbabwe Airways ebesezingasavunyelwa ukusuka kumbe ukufika eSouth Africa kusukela ngoLwesihlanu sezivunyelwa.

Iziphathamandla zeZimbabwe lazo ziphange zalela ukuthi indizamtshina ze South Africa zifike kumbe ukusuka eZimbabwe.

Abantu kade bephakathi kwendizamtshina yeAir Zimbabwe ngoLwesihlanu bacine besiwa emahoteleni kulandela isinqumo ebesithethwe nguhulumende weSouth Africa.

Iziphathamndla zakwele South Africa zithe isizatho sokwalela indizamtshina zeZimbabwe ngesokuthi kulamaphepha obekumele abekhona, lanxa engakaze aqakathekiswe abanye besebecabangela ukuthi imbangela yokwalela ukusuka kwendizamtshina yokuvimba uNkosikazi Grace Mugabe ukuthi asuke kwele South Africa.

Unkosikazi Mugabe uzisukele kungelankinga lanxa ubesetheswa icala lokugolomba omunye untombazana ngemva kokusetshyenziswa komthetho wobudlelwano bamazwe omhlaba, idiplomatic immunity.

Ukuhlaziya loludaba sixoxe lengcwethi ecubungula ezombusazwe, uMnu. Anglistone Sibanda othi besekunyakazela ezilindweni zamabhasi.

“IAir Zimbabwe kayilandizamtshina ezinengi sithembele kweze South African Airways. Nxa bengaphindisela kuzaxa kakhulu ele Zimbabwe,” kutsho uSibanda.

please wait

No media source currently available

0:00 0:02:12 0:00

Facebook Forum

XS
SM
MD
LG