amalinks wokungena

Breaking News

Indlala Ihlasela Izabelo Ezinengi eZimbabwe


Umphathintambo wezokulima uMnu. Joseph Made uthi isabelo seManicaland sesihlaselwe yindlala emangalisayo enjengaleyo esitshise amabele eMidlands, eMasvingo kanye le Matabeleland.

UMade utshele iphephandaba le Herald ukuthi idale le Cabinet selithethe isinqumo sokuthi inkampani ye Grain Marketing Board (GMB) sokumele iqalise ukuthengisela abantu makhaza umumbu ngentongo ephansi.

Uthi umgodla we50 kilograms yomumbu sokumele uthengiswe ngamadola alitshumi lesithupha-$16 kulokuthi uthengiswe ngamatshumi amabili amadola eMelika.

Umumbu lo lempuphu ye GMB kuzathengiselwa abantu makhaza kuma ward loba nje inkampani le ikhala ngokuthi ayilazimota zokuthwala lumumbu.

Kodwa-ke uMnu. Made uthi iGMB ilayo imali enengi yohlelo lolu lezimota zokuthwala umumbu.

Ingcwethi kwezokuthuthukisa izabelo uMnu. Liberty Bhebhe uthi abantu makhaza kabasoze benelise ukuthenga umumbu we GMB njengoba abanengi babo bengasebenzi.

XS
SM
MD
LG