Izakhamizi zithi indlala isihlasele emaphandleni endaweni ezitshiyeneyo zelizwe lapho uzulu asephila ngokudla kanye ngelanga kulandela ukutsha kwamabele lonyaka emasimini.
Izakhamizi zezabelweni ezinjenge Matabeland, Midlands, Masvingo le Manicaland zithi uzulu sethwele nzima ngendlala njengoba zingatholi ukudla okuholiswa nguhulumende le nhlanganiso ezizimeleyo.
Zithi seziphila ngomusa kankulunkulu osekusenza ukuthi ezinye zithengise izifuyo kumbe utshani bokufulela izindlu ukwenzela ukuthenga ukudla.
Unkosazana Sikholiwe Ndebele oyisakhamuzi se Sidingunana esigabeni se Insuza eMatabeleland North utshele iStudio 7 ukuthi umangoye uselala eziko emizini eminengi osokusenza labantwana babaleke esikolo.
Isakhamuzi se Lower Gweru uMnu. Obert Ncube uthi kulendlala eyesabekwayo eMberengwa, eShurugwi lase Lower Gweru lonyaka.
Umnu. Thandeko Zinti Mkandla omele iGwanda North edale lephalamende uthi uhulumende sokumele adingele abalambayo ukudla bengakabulawa yindlala.
