amalinks wokungena

Breaking News

ZNCC: Akuncediswe Amankampani Avuliweyo Kuphela


Thabitha Khumalo

UNkosazana Thabitha Khumalo, okukhomithi yedale lephalamende eyamaIndustry owe MDC-T uthi leli alisilo cebo elihle akuncediswe wonke

Inhlanganiso ebona ngezomnotho welizwe eye Zimbabwe National Chamber of Commerce (ZNCC) litshele idale lephalamende ngoLwesibili ukuthi kufanele uhulumende avuselele amafekithali avele esebenza kulalawo avalwa kudala.

Umkhokheli we-ZNCC uMnu. Nhlanganiso Matangaidze utshele ikhomithi ye Industry and Commerce kulelidale ukuthi akuncedi ukuvuselela inkampani enjenge Cold Storage edinga izigidi ezifika phose amatshumi amabili amadola-19 million dollars ngoba inengi yemali le izabhadala isikwelede samadola ayizigidi ezilitshumi lesithupha 16 million dollars, endaweni yokuyithuthukisa.

Isikhwama sikahulumende ese Distressed Industries and Marginalized Areas Fund (DIMAF) esezigidi ezingamatshumi amane zamadola -40 million dollars sokuvuselela amafekithali, ikakhulu koBulawayo sibikwa singancedisi kakhulu ngoba kungalula ukufinyelela imali-le.

Ingcwethi ecubungula ezomnotho welizwe uMnu. Eric Block utshele iStudio ukuthi lanxa umbono we ZNCC lawo ulungile, kufanele kuvuselelwe wonke amankampani ukwenzela ukuthi ilizwe lithuthukise umnotho walo.

UNkosazana Thabitha Khumalo, okukhomithi yedale lephalamende eye Industry and Commerce utshele uSithandekile Mhlanga we Studio7 ukuthi kufanele kuvulwe amankampani avalwayo ukwenzela ukuthi abantu bethole imisebenzi njalo kwenqatshelwe ukungethembeki okwakukhona kunkampani ye Cold Storage.

please wait

No media source currently available

0:00 0:02:15 0:00
Lapho esitholakala khona
XS
SM
MD
LG