amalinks wokungena

Breaking News

Inengi Lamukela Ngenjabulo Umbiko Kahulumende Owokuthi Kufanele Abantwana Bafundiswe Ngababalisi Abenelisa Ukukhuluma Ulimi Lwabo


Umphathintambo obona ngemfundo yezinga eliphansi eyeprimary kanye leye secondary, uMnu. Cain Mathema ubikwa egcizelela ukuthi abantwana kufanele befundiswe ngababalisi abenelisayo ukukhuluma ulimi olusetshenziswa ezigabeni abafundisa kuzo, ukwenzela ukuthi bephumelele ezifundweni zabo.

Umphathintambo obona ngemfundo yezinga eliphansi eyeprimary kanye leye secondary, uMnu. Cain Mathema ubikwa egcizelela ukuthi abantwana kufanele befundiswe ngababalisi abenelisayo ukukhuluma ulimi olusetshenziswa ezigabeni abafundisa kuzo, ukwenzela ukuthi bephumelele ezifundweni zabo.

Uthi akufanelanga abazali bexotshe ababalisi laba, kodwa kufanele kulandelwe indlela ezisemthethweni zokulungisa loludaba.

Ngenyanga edluleyo, uMnu. Taungana Ndoro, obona ngokwethulwa kwembiko kulolugatsha, utshele iphephandaba leThe Chronicle ukuthi iziphathamandla ezihlolisisa ngezemfundo esigabeni seInsiza ziphakathi kokuphenya udaba lokuthi abazali baxotsha ababalisi abahlanu esikolo seNkankezi Primary School abakhuluma ulimi lwesiShona.

UNkosikazi Sithembiso Nyoni, omela iNkayi North edale lephalamende njalo eyisiphathamandla sebandla leZANU PF wachasia kungxoxo leStudio ukuthi wangenela kudaba olufanayo esigabeni sakhe, ngoba umphathisikolo kanye lababalisi bonke babevela esigabeni seMasvingo, njalo bengenelisi ukukhuluma isiNdebele.

Kodwa wathi akufanelanga bexotshwe kungelasisombululo ngaloludaba, wasechasisa ngenhlelo aziqhubayo zokufundisa abantu bakulesi isigaba emakolitshini ukuze benelise ukuthola izikhundla ezifana lezokufundisa.

Abanye njalo abazali, ababencediswa libandla leMthwakazi Republic Party, endaweni ezitshiyeneyo zeMatabeleland bake babotshwa ndawonye lamanye amalunga alelibandla, bekhala ngohlupho olufanayo.

Ukuhlaziya loludaba, sixoxa lesiphathamandla sebandla leZANU PF eMatabeleland North yena oncoma amazwi kahulumende njalo othi kufanele uhlupho lolu lulungiswe ezibhedlela, emapholiseni, kanye lemawofisini ngoba lubhahile.

please wait

No media source currently available

0:00 0:03:07 0:00


Facebook Forum

XS
SM
MD
LG