amalinks wokungena

Breaking News

Inengi Ligcizelela Ukuthi Kufanele Kukhethwe Idale leCabinet Elilohlonzi


Inengi lezizalwane zeZimbabwe ezihlala eBhilithane zithi azisuthiseki ngempumela yokhetho kodwa sezifisa ukuthi kusetshenzwe lohulumende omutsha.

Izizalwane zeZimbabwe ezihlala kweleBhilithane zithi uMongameli Emmerson Mnangagwa kumele akhethe abaphathintambo bengatsha zikahulumende abatsha hatshi labo abehlulekayo phambilini.

Inengi alisuthiseki ngempumela yokhetho kodwa selifisa ukuthi kusetshenzwe lohulumende omutsha. UMnumzana Leonardo Litshe ngomunye wabo:

“Ama elections asephelilie manje sokuvotiwe, sokufanele sibone ukuthi kwenzakalani. Sifuna ukubona ukuthi uMnangagwa uzayenzani the next 5 years before the next elections because ukuba sikhuluma ngamavoti ukuthi this and that now akusasebenzi, sokufanele sibone the way forward.”

Bathi ekukhetheni uhulumende wakhe, umongameli Mnangagwa kumele ekhangele lakuzizalwane zeZimbabwe ezingaphandle kwelizwe. UMnumzana Munya Muza ulomlayezo kuMongameli:

“Nxa sesenza icabinet yakhe akhangele abanye abantu aba outside the country engakhangeli abantu okudala esebenza labo. Just engathiwa angakhangela even abantu abakudiaspora nje, ahlanganise labantu abatsha ukuthi kukhanye ukuthi uzimisele ngokwakha ilizwe.”

UMnunzana Khumbu Mlilo uyagcizelela:

“Esikukhangeleleyo yokuthi ekhethe icabinet eqinileyo, icabinet elebantu abakhaliphileyo. Esingakufuniyo ngamakhehla lana aboChinamasa, aboParirenyatwa, abo SK Moyo. Ngabantu osokukudala baphelelwa yipenda labana yibo abantu ababisela iZimbabwe emuva. Kakhethe icabinet lathi ezathi ma siyibhekile sibone ukuthi hayi lapha userious lobaba.”

UMnumzana Atterbell Vodloza uthi ukhalela ukuthi uMnangagwa agcwalise izithembiso zakhe ngokukhetha abaphathintambo bakahulumende abalohlonzi.

“Esikucelayo yikuthi nxa esekhetha icabinet yakhe ezamsebenzela, akhethe abantu abahambelana lento azithembisayo abazazenza izinto, ikakhulu in particular sicela abazaqina ngedevolution kumavarious ministries abo bengakhulumi nje ngomlomo kodwa benze.”

Abantu abanengi bazibuza ukuthi kambe uhulumende kamongameli Mnangagwa uzagcwalisa na izithembiso zakhe zokuthuthukisa umnotho, ukuqeda udubo lokusilela kwemali, ukutholakala kwemisebenzi, ezemfundo kanye lezempilakahle.

please wait

No media source currently available

0:00 0:02:22 0:00

Silokhu sikudaba lwe cabinet, asizweni imbono kaMnu. Richard Mahomva, ingcwethi ecubungula ezomnotho welizwe ngaloludaba.

please wait

No media source currently available

0:00 0:01:49 0:00

Facebook Forum

XS
SM
MD
LG