amalinks wokungena

Breaking News

Inengi Lihlaba Umkhosi Ngokusilela Kwamandla Kagetsi


Inkampani ebona ngezamandla kagetsi eye Zesa ibika ukuba isilinganiso samandla kagetsi esigaywa esithitshini seKariba sizakwehla kubangelwa yikungananga kuhle kwezulu lomyaka. Ngakho amanzi ase Kariba malutshwane, kenelisi ukugaya ugesti angenela iZimbabwe yonke.

Izakhamizi zakoBulawayo ziveze ukudana zikhala ngokuthi ngabe iZesa iyakhipha umbiko ngaphambili ukuthi icacitsha ugetsi ngaziphi insuku ukuze zenelise ukuzilungiselela.

Omunye wabo somabhizimusi umnumzana Lucky Ngwenya othi ibhizimusi ayisahambi kuhle ngoba kungasebenzeki nxa kungela getsi.

“Mina ngilesigayo elokitshini, ukuhamba kwamagesti angisakuzwisisi ukuthi ngokwani,ukuthi iZesa sicabangani vele. Nxa amagetsi setshona engasekho, avuke engekho pho thina siyasebenza sikhathi bani,ngoba khathesi akusela business. Sicela igovernment iyenze something.”

Unkosazana Alice Ncube osakhulayo, oziqhatshileyo ngokuthunga impahla uthi selahlekelwa ngabathengi.

“Mina ngiyathunga impahla,khathesi izikolo bezivulwa,abantu bebezothungisa ama winter uniforms kodwa ngicine ngingasenelisi ukuqeda ama orders ngoba amagesti ayahamba ekuseni aze abuye ntambama ngitshone nginga sebenzanga and i customer ngezake ibekezele iyadlulela phambili.Mina njengami ngilahlekelwe yimali khathesi izikolo zivulwa,ngapha amagetsi uyabe uwathengile yi cash power baphinde awathathe futhi,okwe Zimbabwe asisakwazi thina.”

Unkosikazi Lungile Sibanda ongumhlali wako Bulawayo uthi ukuhamba kukagetsi sokubulala impahla yendlini.

“Mina njengo mhlali walapha koBulawayo amagetsi asithwalise nzima njalo abasitsheli ukuthi ayahamba. Impahla sezifile, kuyatsha ama fridge kuyatsha everything.Umtwana wesikolo uhamba engadlanga, ngeke uvuse umtwana kagrade 1 lo zero ukuthi ageze ngo 5 ngoba u 6 utshaya amagetsi ayabe esengasekho, sithwele nzima.”

Omunye wezakhamuzi zakoBulawayo unkosikazi Sizwile Bhebhe uthi abantwana sebethola kungaphekwanga bevela ezikolo.

“Amagetsi lawa sesithwalise nzima ngoba ahlala ehamba nsuku zonke, silabantwana okumele baye esikolweni,siya ayina ngapha akula magesti. Abantwana labo bakhala ngendlala,bayatshayisa bathole amagetsi lokhe engakaphenduki, bathole kungaphekwanga. Le gas layo ayisathengeki sidura, kunzima.”

Amabhizimusi izibhedlela kanye lamakampani asebenzisa amandla kagetsi amanengi athi lokhu kulakho ukubangela ukuwa ngamandla kwesimo somnotho welizwe wona ovele ungmanga kuhle.

Ukuhamba kwamamandla kagetsi sekuthwalise nzima uzulu wakoBulawayo, inengi liveza ukudana, ikakhulu osomabhizimusi bethi akusasebenzeki.I

AbeZesa bethule umbiko othi isilinganiso samandla kagetsi aphekwa eKariba selehlile kakhulu kubangelwa yikuba amanzi asemalutshwane ngenza yokungananga kuhle kwezulu ngendlela ebikhangelelwe ngomnyaka lo odlulileyo.

Udaba lokuvalwa kukagetsi ngabeZESA lokusilela kwawo siluphiwa nguBathabile Masuku
please wait

No media source currently available

0:00 0:03:43 0:00

Facebook Forum

XS
SM
MD
LG