Izakhamizi zedolobho le Beitbridge zithi umsekeli kamongameli, uMnu. Kembo Mohadi kumele abotshwe kulandela udlakela alwenze ngempelasonto lapho abikwa ubefuna ukugamula owayengumkakhe, uNkosikazi Tambudzani Mohadi, ngehloka.
Ekhuluma le Studio Seven izolo ntambama, uNkosikazi Mohadi, ongu senator wedale, uthe kuliqiniso ukuthi uphose waganyulwa kodwa wala ukuxoxa lalumsakazo esithi silobe khonoko osekukhutshwe liphepandaba le The Standard elithe umsekeli kamongameli welizwe, uMohadi uthathele owayengumkakhe imota ezintathu ekhatshwe ngamapholisa edlula amatshumi amabili.
UChris Gande weStudio Seven uxoxe lesakhamuzi se Beitbridge, uMnu. Morgan Ncube, njalo ongumgcinisihlalo webandla le MDC khonale eBeitbridge ngaloludaba.
