amalinks wokungena

Breaking News

Inengi Lisola Umanyano weSADC loweAU Ngokungachothozi eleZimbabwe Ngodlakela


SADC LOGO

Embikweni ewethule ngoMvulo, iSADC isole inhlanganiso ezizimeleyo isithi yizo ezisebenzelana lezitha zeZimbabwe ekuphehleni ukungahlaliseki.

Inengi selichothoze umanyano weSADC ngokwehluleka ukusola ukuhlukuluzwa lokubulawa kwabantu okubikwa kwenziwa ngamasotsha lamapholisa eZimbabwe. Umanyano weSADC uhlangene kwele Ethiopia ngempelaviki emhlanganweni weAfrican Union waphatha udaba lweZimbabwe kanye lolweDRC.

Embikweni ewethule ngoMvulo, iSADC isole inhlanganiso ezizimeleyo isithi yizo ezisebenzelana lezitha zeZimbabwe ekuphehleni ukungahlaliseki. Isole njalo abantu abatshengisela ngodlame ngenyanga edluleyo abanye babo bagqekeza bantshontsha ezitolo.

Kodwa lumanyano awuzange ukhulume ngodaba lokubulawa kwabantu abafika phose amatshumi amabili, ukutshaywa kwamakhulu lokudutshulwa kwabanengi okubikwa kwenziwa ngamasotsha lamapholisa.

Inengi belikhangelele ukuthi iSADC iluphathe ngendlela engeyamanga uhlangothi udaba lweZimbabwe. Umanyano we AU uthi ulethemba lokuba uhulumende kamongameli Mnangagwa uphakathi kwemizamo yokuvuselela umnotho welizwe ngalokho umanyano we SADC uyasekela uhulumende labantu be Zimbabwe.

Ukuhlaziya loludaba uChris Gande we studio seven uxoxe lengcwethi ecubungula ezombusazwe, uMnu. Thandeko Zinti Mnkandla.

please wait

No media source currently available

0:00 0:03:18 0:00

Silokhu sikudaba lunye, uNtungamili Nkomo westudio 7 uxoxe lengcwethi kwezombusazwe uMnu Effie Dlela Ncube.

please wait

No media source currently available

0:00 0:03:26 0:00

Facebook Forum

XS
SM
MD
LG