amalinks wokungena

Breaking News

Inengi Lithi Alilathemba Lokuthi Ikhomidi Yokwehlisa Intengo Izaphumelela


Umama esesetha amabele

Inengi lithi alilathemba lokuthi ikhomithi ebunjwe lidale lepolitburo yebandla Zanu PF eyokuxazulula udaba lokukhuphuka kwentengo yempahla mahlayana elizweni izasebenza, njengoba zizinengi izizatho ezibangela loluhlupho.

Ikhomithi le ikhokhelwa ngu msekeli kamongameli mnangagwa umnu. Constantino Chiwenga, njalo ibandla leli lisola osomabhizimusi ngokukhweza intengo yempahla.

Kodwa unkosazana rita ndlovu, isiphathamandla sebandl ale MDC elikhokhelwa ngumnu. Welshman Ncube uthi kufanele uhulumende avuselele umnotho welizwe.

"Ayisiyonto entsha, bayayazi kusukela kudala ukuthi irpoblem ebangela ukukhwela kwentengo kuyini," kutsho uNdlovu.

Silokhu sikudaba olufanayo, abazali abalabantwana abaya esikolo bathi intengo yempahla yezigqoko zesikolo iqhubeka ilokhu iqonga.

Sixoxe lomzali njalo engumphathi wesikolo, uMnu. Thandeko Zinti Mkandla ukuze sizwe okwenzakala eGwanda.

"Inhlupho zinengi kakhulu okokuthi izikolo zivulwa nje banengi abantwana abangasoze babuyele esikolo ngezizatho ezimbalwa," kutsho uMkandla.

Facebook Forum

XS
SM
MD
LG