amalinks wokungena

Breaking News

Inengi Lithi ILizwe Kalikalungeli Ukwenza Ukhetho


Udaba lokuqhutshwa kokhetho ngomnyaka ozayo luqhubeka lusemilonyeni yabeZanu PF labeMDC ekhokhelwa nguMnu Morgan Tsvangirai abathi kumele lwenziwe ngoba uhulumende womanyano engasebenzi kuhle.

Kodwa abeMDC kaMnu Arthur Mutambara bemanyene lozulu nje jikelele bathi ilizwe kalikalungeli ukhetho ngoba uzulu esesebuhlungwini bamanxeba odlakela lokhetho luka 2008.

NgoLwesithathu khona uTsvangirai uvinjwe ukwenza umhlangano labasekeli bebandla lakhe ngamapholisa eHarare ngoba ebikwa engacelanga imvumo.

Abanye bathi isenzo samapholisa lesi siveza ukuthi lanxa sokuyiwa kukhetho amapholisa azaqhubeka esekela uhlangothi, evimba abeMDC ukwenza imihlangano.

Ngalokhu inengi lithi uhulumende womanyano kumele avunyelwe ukuqhubeka okwesikhathi eside lapho okungaba sokulokuthula elizweni okungavumela ukwenziwa kokhetho olukhululekileyo.

Ukuhlaziya udaba lolu sixhume ingcwethi ezicubungula ezombusazwe uMnu Khuli Mathulela Sibanda loMnu Mqondobanzi Magonya bona abavumelanayo ekuthini ngempela ilizwe kalikalulungeli ukhetho.

‚Äč
XS
SM
MD
LG