WASHINGTON —
Inengi elizweni lilokhu likhala ngokucitshwa kwamagetsi mahlayana, ukusilela kwemali, amanzi, lamafutha ephethulo ledizili, kanye lokuqonga kwentengo yempahla ezitolo ngesikhathi iholo lingakhuphuki njalo inengi lingayitholi imisebenzi.
Ekhuluma eHarare ngoLwesine, umongameli Emmerson Mnangagwa uthe injongo yomhlangano omkhulu weconference yeZANU PF osaqhubeka ngowokuthuthukisa umnotho welizwe.
Ingcwethi ecubungula ezomnotho welizwe uMnu. Masimba Kuchera uchasisa imizamo okufanele uhulumende ayenze ukulungisa umnotho welizwe.