Ngesikhathi sokusele inyanga phose eyodwa ukuthi umnyaka wonalo siwugqibe, izizalwane ze Zimbabwe zithi u2019 ubemubi kakhulu. Okunye okudanisa abanengi yikuthi akulabungcono obukhanya bungaba khona ngomnyaka ozayo.
UChris Gande weStudio Seven uxoxe lesinye isakhamuzi sako Bulawayo, uMnu. Max Mkandla, njalo oyingcwethi ecubungula ezombusazwe ukuze sizwe umbono wakhe ngaloludaba.
Ingcwethi ezicubungula ezomnotho welizwe zithi uzulu weZimbabwe uzakuba lekhefu lekhisimusi elilukhuni kakhulu lonyaka ngenxa yokudula kokudla lempahla, kanye lendlala ebhahileyo elizweni. Intengo yempuphu lokunye ukudla okutshiyeneyo okufana lefulawa, utshwala lamanamnede ikhuphuke ngezinga eliphezulu kakhulu kuliviki njalo ikhangelelwe ukuqhubeka iqonga kuze kuyefika ikhisimusi.
Ohlaziya ezomnotho uMnu Reggie Shoko uthi eleZimbabwe kumele likhuthale kwezokulima ukuze lenelise ukuqeda indlala liqinise lomnotho walo.
Kodwa utshele uNtungamili Nkomo weStudio 7 ukuthi endaweni yezifela emlonyeni lonyaka ngekhisimusi, abanengi bazazidlela ingqweqwe zomlomo.