amalinks wokungena

Breaking News

Auditor-General: Ingatsha Zikahulumende Zisebenzisa Imali Ngokungekho Emthethweni


Iphalamende yeZimbabwe

Lokhu kuvezwe edale lephalamende lapho ingatsha lezi ezibikwa zisehluleka ukuphumisa ingwalo ezitshengisa ukuthi imali isetshenziswe njani.

Uhulumende useveze ukuba iziphathamandla zengatsha zakhe ezigoqela ihofisi kamongameli leyabaphathintambo, kanye lamankampani akhe ama parastatals azisebenzisanga imali ezayiphiwa ku budget yomnyaka ka 2011 ngokusemthethweni.

Lokhu kuvezwe ngoLwesibili edale lephalamende nguNkosikazi Mildred Chiri umqondisi wohlangothi olubona ngokusetshenziswa kwemali kahulumende oluka Comptroller and Auditor-General, yena owengeze wathi ingatsha zikahulumende lezi ziyehluleka ukukhupha incwadi zama invoice ezitshengisa ukuthi imali eziyiphiwayo isetshenziswe njani.

UMnu. Albert Mhlanga, omela i Phumula edale lephalamende utshele uSithandekile Mhlanga weStudio 7 ukuthi okuhluphayo yikuthi iziphathamandla zikahulumende zisebenzisa impahla zazo ezigoqela izimota kumbe amankampani azo ukuqhuba imisebenzi kahulumende.

please wait

No media source currently available

0:00 0:02:57 0:00
Lapho esitholakala khona

Kusenjalo, omela iBikita West edale lephalamende uMnu. Munyaradzi Kereke lamuhla ubuyiselwe ngokusemthethweni esihlalweni sakhe yisikhulumi salelidale uMnu. Jacob Mudenda.

UMnu. Kereke waphikisa njalo wanqoba edale le constitutional court ukuxotshwa kwakhe libandla le ZANU PF kulesisihlalo esithi akukho emthethweni.
XS
SM
MD
LG