Uhulumende usanda kunika inkampani yendizamtshina eye Air Zimbabwe phose izigidi ezintathu zamadola eMelika ukuze yenelise ukubhadala abatshayeli bendizamtshina labanye babo akade belenyanga bekhalala umsebenzi.
Ingcwethi kwezenotho zithi udubo lwe Air Zimbabwe kalusoze lwafa lwaphela nxa linkampani ingathengiswanga.
Kodwa kulezinye ingcwethi kanye lababona ngezendizamtshina abathi ele Zimbabwe lingeke lafa lathola abantu kumbe amankampani angabambisana lenkampani le ukuthi isebenze kuhle ukuze ithole inzuzo eyenela ukusebenzisa ukuquba umsebenzi leyokubhadala izikwelede.
Zithi lokhu kwenziwa yikuthi iZimbabwe ilohlelo olusolwa kakhulu ngabantu bemazweni olukuthuthukisa inotho yamansundu olwe Indigenization.
