amalinks wokungena

Breaking News

Ingcwethi Zithi Kayithengiswe iAir Zimbabwe Eyehluleka Ukuholisa Izisebenzi


Abatshayeli bendizamtshina zeAir Zimbabwe lokhe besala ukubuyela emsebenzini besithi kabasoze bakwenze lokho baze babhadalwe iholo lama allowances afika phose izigidi ezilitshumi zamadola eMelika.

Sokulamaviki amathathu abatshayeli laba, omanjinela kanye labalabo abananza uzulu endizamtshineni bekhalala umsebenzi.

Omele abatshayeli uMnu. Charles Chikosi usanda kutshela ikhomidi yephalamende ebona ngezokuthwalwa kwabantu lempahla etshiyeneyo ukuthi kumele kuxotshwe abanye abaqondisi be Air Zimbabwe njalo kuhlolisiswe inani lezisebenzi njengoba kulezinye ezihola zingenzi lutho.

UChikosi uphinde wathi abaqondisi beAir Zimbabwe kabatholi kahle ukuthi kumele kwenziweni kunkampani le ukwenzela ukuthi ithole inzuzo ethe xaxa ezakwenza kube lula ukubhadala izisebenzi lezikwelede ezesabekayo.

Kusenjalo, inhlanganiso eyezisebenzi iZimbabwe Congress of Trade Unions ithi kumele kuxotshwe abaqondisi be Air Zimbabwe ukuze kulungiswe konke okuhluphayo kunkampani le.

Ukuze sihlaziye udaba lolu iStudio 7 ixoxe lengcwethi kwezenotho uMnu. Rejoice Ngwenya losomabhizimusi uMnu. Abednigo Bhebhe owayemele njalo iNkayi edale lephalamende.

XS
SM
MD
LG