amalinks wokungena

Breaking News

Ingcwethi Zithi Umnotho Welizwe Uzancipha Futhi Lonyaka


Inhlanganiso yakweleBhilithani ecubungula ezenotho emhlabeni jikelele eyeEconomist Inteligence Unit ithi umnotho weZimbabwe uzancipha ngesilinganiso sokulitshumi lantathu ekhulwini lonyaka.

Inhlanganiso yakweleBhilithani ecubungula ezenotho emhlabeni jikelele eyeEconomist Intelligence Unit ithi umnotho weZimbabwe uzancipha ngesilinganiso sokulitshumi lantathu ekhulwini lonyaka.

Ngokunjalo, inhlanganiso le ithi uzulu uzaqhubeka esidla imbuya ngoluthi. Inhlanganiso yeIMF yona ithi uzancipha ngesilinganiso sokuyisikhombisa ekhulwini.

Ukutshabalala komnotho sokulethele abantu ubunzima obukhulu obugoqela ukudula kokudla lempahla ezitolo kanye lendlala ehlasele abantu abayizigidi ezingena phose kusitshiyagalombili.

Umkhokheli weMDC uMnu Nelson Chamisa uthi uphatheke kubi kakhulu ngokudilika komnotho lokuhlupheka kukazulu. Isikhulumeli sakhe uMnu. Nkululeko Sibanda uthi uMnu Chamisa uzakwazisa uzulu kunsukwana ezilandelayo ngenhlelo zakhe zokuletha ububelo kwezomnotho elizweni.

please wait

No media source currently available

0:00 0:02:19 0:00


Kusenjalo, ukuya kukhefu okwenziwe ngumongameli Emmerson Mnangagwa kusolwe ngabanye abathi lesi ayisiso isikhathi obekumele aphumule ngaso ngoba ilizwe liphakathi kwendubo ezifuna yena uqobo lwakhe hatshi abasekeli bakhe ababikwa bezigulela.

Ugatsha lukahulumende olwezokwethulwa kwemibiko lwazise ukuba umongameli Mnangagwa kasoze aphume phandle kwelizwe ukuyaphumula njengalokho okwakusenziwa ngumuyi uMnu. Robert Mugabe engumongameli.

Isikhulumeli sikaMnangagwa, uMnu. George Charamba, eloba ebulenjini bokuxhumana, iTwitter ulandule imbiko ethi umongameli Mnangagwa uyavinjwa ukuphuma elizweni ngabebutho asebefuna ukumsusa esihlaweni.

UMnu. Charamba uthe lokhu akusiqiniso njalo uMnangagwa akaze athathe ikhefu phandle kwelizwe.

Ukuhlaziya loludaba sixoxa lengcwethi ecubungula ezombusazwe, uMnu. Effie Dlela Ncube esiqale ngokumbuza ukuthi kungaba lokukhulumisana kwamabandla ezombusazwe na uMnangagwa ekukhefu.

please wait

No media source currently available

0:00 0:03:29 0:00


Facebook Forum

XS
SM
MD
LG