amalinks wokungena

Breaking News

UMnu. Rugare Gumbo Umiswa Ukuba Lilunga leZanu PF


Jabulani Sibanda

Ukudonselana amandla okusebandleni leZanu PF sekufike kusibanga esethusayo kulandela ukumiswa ukuba lilunga kwesikhulumeli sebandla, uMnu. Rugare Gumbo lokuxotshwa komkhokheli wabalwa impi yenkululeko, uMnu. Jabulani Sibanda emhlanganweni wedale lePolitburo.

Kwaphinda kwaxotshwa enye inkokheli enjengabagcinisihlalo bezigaba ebalisa uMnu. Andrew Langa umgcinisihlalo wesigaba se Matabeleland South.

Izizatho zokuxotshwa kwenkokheli le akukaziswa kodwa okumgceke yikuthi uGumbo ubesetheswa icala lokuthi wathi udaba lozakwelama uMugabe luzahluzwa emhlangweni wePolitburo.

USibanda yena wetheswa icala lokweyisa uNkosikazi Mugabe ngoba kayanga emhlanganweni yakhe njalo wathi uhluthunele uMongameli Mugabe amandla ekamelweni, ibedroom coup.

USibanda utshele iStudio Seven ukuthi kazi izizatho axotshelwe zona ebandleni leZanu PF. Imizamo yokukhuluma loMnu. Langa yehlule ngoba ubengaphenduli umakhalekhukwini wakhe.

Konke lokhu kwenzakala abalwa impi yenkululeko belungiselela ukuqhuba umhlangano ngoMgqibelo lange Sonto bekhetha inkokheli.

Ilunga ledale leCentral Committee yebandla leZanu PF uMnu. Joseph Tshuma uthi izingqumo ezithethweyo lezi zizakwenza ukuthi ibandla liye emhlanganweni omkhulu weCongress liqinile.

Ukuhlaziya loludaba uChris Gande weStudio Seven uxoxe lengcwethi ecubungula ezombusazwe umnumzana Zenzele Ndebele.

XS
SM
MD
LG