Kungxoxo ayiqhube leStudio 7 uMothusi Bashimane Ndlovu, owazakala ngokuthi nguMadlela Sikhobokhobo uthi ingoma le yethulwe ngesikhathi abantu sebekhathele ngomkhuhlane weCOVID 19 ngakho izabaphumuza sebegida ngalelikhefu lekhisimusi.
"Yingoma yoku jayiva, yingoma yokukholisa, yingoma yokuthi nangu uDecember bakithi kade iCorona yasihlupha ake sijayiveni nango phela umgidisi wama yellow uyavela, abantu abagide, isizwe asijayive," kutsho uMadlela.
Uthi iRhumba yaziwa njengomculo olalelwa mhlawumbe emakhaya ngakho ufisa bonke abantu bayamukele ngoba bengagida langayiphi indlela abayikhwabithayo.
UMadlela uthi laye wayengayilaleli iRhumba esakhula, kodwa useyithanda. Ugcizelele ukuthi ama yellow awatsho ibala lomuntu kuphela kodwa abantu ongeke ubacabangele ukuthi bengalalela iRhumba.
Uthi kulabasakhulayo labadala abagidayo ku video njalo kugidwa okutshiyeneyo.
"Ngibalekele ukuthi begidise inyawo zombili kuphela njengalokho okwenziwa kuRhumba ngakho bagida okwehlukeneyo okunjengabo executive loku shaker iqolo," kuchasisa uMadlela.
Uthi ufisa ukuthi abantu beyibuke ngobunengi babo ingoma le enkundleni yebulenjini ku U Tube, bayabelane. Nanso ilink:
https://www.youtube.com/watch?v=kbPgAT-71j4
"Phela ngingumgidisi wama yellow..asijayive isizwe..awajayive ama yellow...ama slay...amabhojwa..Rhumba to the people!" kutsho uMadelala egqiba lingxoxo.
