Isibhedlela seMpilo Central Hospital, esiyiso esikhulu esigabeni seZansi yeZimbabwe sivale ugatsha lokwelapha izigulane zibuyela endlini kulandela ukukhalala umsebenzi okwenziwe ngodokotela abasaqala umsbenzi.
Kodwa umqondisi walesi sibhedlela, uDokotela Solwayo Ngwenya lanxa etshele iStudio Seven ukuthi mpela lokhu kwenzakala uphange wathi kayislo dubo olukhulu lolu ngoba kusasa lolugatsha lwesibhedlela luzavulwa njalo.
Isibhedlela seMpilo siphathisa isigaba ezibalisa ko Bulawayo, Midlands, Masvingo, Matabeleland North le South.
Abagula bevela ezigabeni lezi babikwa bebetshelwa ukuthi baphenduke baye emakhaya ngoba isibhedlela siselapha labo abaphiwa imibheda kuphela.
Odokotela abasafundela umsbenzi bakhalale umsbenzi ngeviki ephelelileyo besithi uhulumende abengezelele iholo njalo aphe abazithweleyo isikhathi eseneleyo esokuyaphumula lokunye.
Ngempelasonto uhulumende uthe iholo labodokotela lizakuba yi $800 ngenyanga kodwa namhla odokotela laba bathe kabasoze bavume ukusayina isivumelwano somsbenzi lesi.
"Akula problem ekhona, angithi uyakwazi ukuthi yiholiday, so kusasa kuzabe kuvuliwe," kutsho uNgwenya.
