amalinks wokungena

Breaking News

Izakhamizi Zemaphandleni Zithola Uncedo Kunhlelo zeLions Club


Uphawo lwenhlanganiso eye Lions Club.

Abenhlanganiso eye Lions Club bemanyene labe Diabetes Association bathi kungalesi sizatho bekubone kufanele bafike kulezi ndawo, behamba labodokotela abazinikeleyo ukutholisa usizo lwemfundiso lokuhlolwa kungela nhlawulo.

Unkosikazi Sonile Nemawuko waseNdanga esigabeni se Zaka ngomunye otshengise ukujabulela lolu hlelo lokuhlolwa kungela nhlawulo ngabe Lions Club, emkhosini owenzelwe esibhedlela esindala se Mashoko Old Mission Hospital e Bikita South.

Umgcinisihlalo wesigaba sesithathu senhlanganiso ye Lions Club, umnumzana Cosmas Chisale ulandisa ngokubenze baphatheke kule mikhankaso.

Obona ngezokukhulumisana lozulu enhlanganisweni ye Zimbabwe Diebetes Association,umnumzana Simion Jamanda, uthi kulusizi ukuba uzulu kakhulukazi wemaphandleni, esengothembele enhlanganisweni ezizimeleyo sikhathi sonke, ikanti akumelanga kube njalo.

Lesi simo uJamanda uthi kumele silungisiswe nguhulumende, anakekele impilakahle yabantu bakhe ngoba kungumthwalo wakhe.

Abakho odokotela kulezi zibhedlela okusuka kube ludubo oluphindiweyo lapho abantu besiya dinga usizo lokwelatshwa kulezo zibhedlela lamakilinika.

Lanxa umbiko wohlelo lokubalwa kwabantu olwenziwa ngomnyaka ka 2012 olwe National Census, luveza ukuba isilinganiso phose amatshumi ayisikhombisa ekhulwini sabantu elizweni- ( 67% ) kungabahlala emaphandleni, lokhe isilela intuthuko kulezi zigaba okugoqela kwezempilakahle.

Udaba lwempilakahle yabemaphandleni siluphiwa nguMavis Gama
please wait

No media source currently available

0:00 0:04:57 0:00

Facebook Forum

XS
SM
MD
LG