amalinks wokungena

Breaking News

Kufunakala Uncedo Lokudla Lokunye eZimbabwe Ngokuphangisa:UNDP


Inhlanganiso ye United Nations Development Program (UNDP) ithi ele Zimbabwe lifuna uncedo olutshiyeneyo loba nje uhulumende womanyano sezamile ukulungisa inotho yelizwe kancane.

Egwalweni lwayo olusanda kwethulwa, iUNDP ithi ngenyanga ezinhlanu ezilandelayo kuzafunakala izigidi ezingamakhulu amahlanu zamadola eMelika-US$500million, yokunceda abantu abadubekayo abangenelisi ukuziphilisa.

Inhlanganiso le ithi banengi abantwana abangatholi ukudla okweneleyo okwakha umzimba njalo inengi seliphila ngokucela ukudla enhlanganisweni ezitshiyeneyo.

Inhlanganiso le iphinde yathi isivuno salonyaka sincane kakhulu okwenza kuqakatheke ukuthi kudingwe ukudla emazweni okuzaphiwa abalambayo.

Linhlanganiso ilembono yokuthi kumele kuqaliswe inhlelo ezizakwenza ukuthi abantu makhaza bengaphili ngokucela ukudla.

Unkosikazi Thembekile Dube osebenza ukupha uzulu uncedo olutshiyeneyo utshele uGibb Dube oweStudio 7 ukuthi loba uncedo lufuneka eZimbabwe, kumele kwenziwe inhlelo ezitshiyeneyo ezizanceda abantu ukuthi bazimele kulokuthi baphile ngokukhongoza izandla sikathi sonke.

XS
SM
MD
LG