amalinks wokungena

Breaking News

Inhlanganiso Ezizimeleyo Ziphathisa Amantombazana akuForm Four ngamaSanitary Pads Lempahla Zokwenqabela iCOVID 19


Abanye abantwana abathole usizo

I-Matabeleland Institute for Human Rights imanyane leSupporting Souls Sending Smiles, ukuphathisa amantombazana ahlala eHyde Park; eSt Peters, New Mazwi, Robert Sinyoka leMethodist Villages, ngempahla ezibalisa ama sanitary pads, masks, sanitizers, lengwalo, ezivela kuZHRC

Amantombazana angamatshumi ayisithupha-60 aqhuba izifundo ezikuzinga lika Form Four lo Form Three ngoLwesibili athole usizo lwempahla zokusebenzisa nxa esemfuleni kanye lezokwenqabela igcikwane leCOVID 19 kunhlanganiso ezizimeleyo.

Inhlanganiso ye Matabeleland Institute for Human Rights imanyane leye Supporting Souls Sending Smiles, ukuphathisa amantombazana la ahlala eHyde Park endaweni ezibalisa i St Peters, New Mazwi, Robert Sinyoka leMethodist Villages, ngempahla ezigoqela ama sanitary pads, ama masks, ama sanitizers, lengwalo zokufunda ngamalungelo awo, ezivela kuZimbabwe Human Rights Commission.

Inhlanganiso le ithi uhlelo lolu luqondane lelanga lokunanzwa kwamalungelo abantwana kuzwekazi leAfrica, olweDay of the African Child njalo amantombazana la azaqhubeka ethola lolusizo nyanga-zonke.

UMnu. Khumbulani Maphosa, umqondisi wenhlanganiso ye Matabeleland Institute for Human Rights utshele uSithandekile Mhlanga weStudio 7 ukuthi baqophe o form four ukwenzala ukuthi bengakhathazeki ngalezi impahla nxa sebeloba imihloliso.

Wengeze wathi amanye amantombazana afakazile ukuthi abeseqoma amajaha ukwenzela ukuthi athole imali yokuthenga impahla lezi.

Ugqibe lingxoxo ngokuthi uhlelo lolu lungaphathisa ukuthi amantombazana la engakhulelwa engakaqedi izifundo

please wait

No media source currently available

0:00 0:02:59 0:00



.

Facebook Forum

XS
SM
MD
LG