amalinks wokungena

Breaking News

Inhlanganiso Ezizimeleyo Zithi Uhulumende Kumele Afake Ku2011 Budget Izikwelede ze RBZ


Inhlanganiso ezizimeleyo zithi uhulumende kumele afake kuluhlu lwendleko zikahulumende, ibudget ka 2011, imali eyatshontshwa libhanga elikhulu lelizwe iReserve Bank of Zimbabwe kusukela ngomnyaka ka 2003.

Inhlanganiso lezi zibikwa sezihlafune loludaba lomphathintambo wezemali uMnu. Tendai Biti.

Umnu. Biti ukhanya esethole ugwalo olujilileyo oluvela kunhlanganiso lezi ezithi zifuna imali yazo engakabhadalwa yi RBZ.

Abazi ngokwenzakalayo bathi uMnu. Biti uthi izandla zakhe zibotshiwe njengoba kufuneka ukuthi uhulumende aqale ngokwethula umthetho engakabhadalii imali eyatshontshwa yi RBZ.

Ingcwethi kwezenotho uMnu. Masimba Kuchera utshele uGibbs Dube we Studio 7 ukuthi idale lephalamende lilakho ukwethula umthetho ngesiphangiphangi ongenza ukuthi inhlanganiso ezizimele zodwa zibhadalwe imali yazo nguhulumende.

‚Äč
XS
SM
MD
LG